كلمات أغنية فعلهم بين الرياجيل قوه واكتساح

في مثاني نجد سلوة ضمير ما استراح
لين ادير الجيب مابين شرشر وزهره

بين طياح المغاتير في الارض الفياح
ماغبط اهل المال دام الامور ميسره

صايب بالي من الشعر ولحونه سماح
مير لا من جا لزومه تقول مبشره

المواقف في مناكيبها السم الذحاح
تلزم الرجال وتبين اللي يقدره

ابن عم لانصيته ماعرضك ظهره

ياسعود ان كان للطيب ميراد قراح
والله انك فاول اللي رواه وصدره

في يمينك من اخوانك مداغيش الفلاح
كل منهم يعطي الماقف العسر نحره

كان قول الحق نوره مثل نور الصباح
حل طاريكم ليا حل طار المفخره

المواقف لو يجي دونها زرق الرماح
يقلط من ابناء ضحيان شبل نذخره

فعلهم بين الرياجيل قوه واكتساح
كل علم كفو يذكر تراهم مصدره

والله ان اسمه لحاله وفعله يشهره

شايب يوم المواريد والدنيا شحاح
كن ربي خالقه للامور المعسره

قسمه من البل غزيزه موردة السلاح
كل ملحا سدوها مثل جال المنخره

من عزاة تلطم الشره لالج الصياح
عزوتي جغثوم لاغيب الشوف غبره

عزوة دون المعاشير والبكر الشناح
جالهم في ماكرة نجد مجد ومفخره

والبقوم دروع جنبي ليا صح الصحاح
كان زام الخصم ربعي تزوم وتقصره