كلمات أغنية عيونك النجلاء

ايه ياذكريات في الخيال محفوره
استعادت غلا عيا الزمن يستعيده

يعترض لي لـ طال الليل صوت وصوره
راح واللي بقى جرح على حطة ايده

لو تباعد عيوني زين وجهك وحوره
خطوة القلب في لاماك ماهي بعيده

اتقهوى غلاك اللي مايوصف شعوره
لين يطلع من الاحساس بيت القصيده

كيف ما اردده واطرب واغني واعيده

يوم مريت دار من بعدك مهجوره
تومي الضيقة اوماي الهوى بـ الجريده

كن شوق الاماكن يوم غنا ابو نوره
ايقظ الجرح في قلبي وينزف وريده

كثر خيرك كرم جرحك ماشفنا قصوره
انت حتى جروحك في ماهي زهيده

جيت فرصة عمر وسط الضمير معموره
وكل طاري يجيبك لي فرصة سعيده

اتذكرك لامن القمر شع نوره
والنجوم ابتدت في الكون رحلة جديده

غير حب فقدته واشهد انه فقيده

ازهر الشوق في قلبي وماتت زهوره
يوم شحت ينابيع اللقا وش يفيده

الغياب إن سطى في القلب يقلع جذوره
مايخلي من احساس المشاعر شريده

سهم غيرك تعداني ماشكل خطوره
وانت نظرة عيونك تدخل القلب سيده

مثل ما يفرق احساس القصيد بـ حضوره
انتي الفارقه والمترفه والفريده

فتنة عيونك النجلاء الوساع الغيوره
سلهمتها عتاب وكبرياها مكيده

العبي مثل لعب الخيل وانتي فخوره
شعرك اضفى من اوصاف الجياد المجيده

فيك غصن الكلام العذب تصدح طيوره
كل ماذعذع وصالك عسى الله يعيده

في وجودك غني احساس ماغاب دوره
وفي غيابك فقير احساس على الحديده