كلمات أغنية يساجيني حزنك وانصلب
يحسين اجيتك محترك مجمر دليلي من العشك
بعيوني شايل كربله ومعزب بصدري السحك
حسين يا ابا عبدالله حسين يا ابا عبدالله
ساجيني حزنك ونصلب شفه اعله بيبان العطش
يرسملي طولك عالترب بحوافر الخيل انفرش
شلون بحصيره تنجمع ماكو اعله كد طولك نعش
هم لموا من الداستك لو ضاعن بليل اهدعش
ما بارحت حزنك يوم ولا لاكت عليه هدوم
كل عمري خلص كربله وغربه بنات مدلله
حسين يا ابا عبدالله حسين يا ابا عبدالله
كل خطوه تكضي من الدرب نتسامر بعين الدمع
سولفلي عنك بالسحك راح بسنابكهم ضلع
بعيونك مكابر عطش يلمنذبح ذبحت شمع
من ثوبي وياك استحي عريان اشوفك منصرع
يحسين يا حزن الله مسلوب ثوبك غفله
من ثوبك المسلوب امس يبدي الستر يابو الشمس
حسين يا ابا عبدالله حسين يا ابا عبدالله
وازه السمه من علرمح راسك يبن حيدر صعد
بدم شيبته توضه العرش والقبله عيونك سجد
بس انت يحسين وجذب يشمخ نخل عالكاع ابد
من عينك لحد عينك ومامش وره عيونك بعد
راسك بلرماح يبات ويسكي بضواه النجمات
بس انت بعيوني العشك والباقي غربه اعله الصدك
حسين يا ابا عبدالله حسين يا ابا عبدالله
من غربه ضنونك بدت كل المواسم والسفر
ليل وحزن يشرب حزن والغربه لجمات وسهر
شما يمحل بروحي العشك يسكيني من عندك مطر
وذكر عطش كلبك وحن ولتم رذاذ اعله نحر
ماي اعله كلبك ياريت اتبده كون تمنيت
بلكي الله تبره من الضمه وعيونك اتلم السمه
حسين يا ابا عبدالله حسين يا ابا عبدالله
يمتد علينه فيايك ونلتم حدر في العشك
بعيوني اعرف طولك مطشر حدر خيل السحك
ياخذني يحسين الهظم وهجر صحبتي واحترك
كل ما شفت ماي السبيل اعله الدرب حيل اختنك
عطشان وبلايه فياي عمت عيني وانه اشرب ماي
منومني بفياي الخيم ومنوم بكلبك سهم
حسين يا ابا عبدالله حسين يا ابا عبدالله