كلمات أغنية وجهة اهل الهجن

موســم مقبل علينا بان خيــــــره
ماطره يســــبق بروقــه والرعـايد

لاح فوق الوثبه وسحبـــــه غزيره
وجهة اهل الهجن لي فيها فوايد

مادرينا بالتصــخـم في مسيـــره
دام للمركاض يدعــم ولد زايــــد

ماعلينا في ذرى محمد قصيــــره
ولاعلى الموروث خوف ولاشدايد

في تطــور كل عام وفــــي تزايـــد

دعم بوخـــالد وصل في كل ديره
بالعطايا والمكارم مايحــايـــــــد

مكرم اهل الهجــن مــداته كثيره
مهــرجانات وجــوائــز خير وايـد

طــول الله عمــر وكثـــر بخـيـــره
بالكـرم والطيب مــداته شهـــايد

بالهجن وكل شغــاميم جــــديره
حـــي والله منهم ذيــك البنـايــد

شيخـنا منصـــور مايذخر ذخـيره
في متابعة الركض والدعـم رايــد

كل اهل الهجن بفعــوله تشــايـد

بالمكارم مـــدت اكفــوفه وفيـره
لاحضر في الريس كن العيد عايد

ومعه بوحـمـدان وعلومه سفيره
يدعــم اهل الركــض بفكار فرايد

مستــشار صايــب منهو شويــره
للعلـــوم الطيبـــه بالشـور صايد

مشرف عالركـض ومتابع لسيــره
والنجاح لطيب مجهوده شهـايد

دعم لاهل الهجن بفكارن كبيـره
لاغــرابـــه لاكرمونا عيــال زايـــد

الرئاسة ابجهدهم صارت خطيره
في الرموز وعالسيوف الها عــوايد

اشترو لي يشبـــه الغــزلان سيره
من يوازي الصيد لي تقفي شرايد

لسرحت فالشوط تسرح مستذيره
اتلفت اشـــارده في الشوط قايــد

مرهيه تقبــل بالامتـــار الاخيـــره
مثل ظــبي راح عالقنيـــص كايـــد