كلمات أغنية ركض السوان

للسوان توجها نقو الركايب
وردوهن لي عزايمهم صليبه

سبقن تشبه على ريوم العدايب
النوادر لي مواريهن عجيبه

منهن اللي غاربه مالركض شايب
ومنهن اللي خرس الشامي عليبه

العرب متجهزه والركض طايب
التقو بالود وصدورا رحيبه

يحيي القاع المحيل وينتشيبه

عالسوان ينوض براقه بحايب
حاين مدهم ومزونه سكيبه

كل عاما نرقبه شبا وشايب
كل عام عيوننا صوبه رقيبه

والعرب لشمخة سحبه نصايب
كل منهم يرتجي منها نصيبه

من عطايا ريئس الدولة وهايب
محمد اللي جامعا طيبا وهيبه

خذ بياض الوجه من لون السحايب
ومن كرمها ماخذا همال صيبه

الكرامه من يمينك مب غريبه

ولي مثل زايد على كثر النجايب
عيت بطون النجايب لاتجيبه

عشت ابوخالد يافكاك النشايب
يعل صيبات الليالي ماتصيبه

عشت ياصقر العرب عطب الضرايب
يازعيما م الزعامات العريبه

ان جذلت بعزمك خشوم الصعايب
الصعب من تلتك ردت اديبه

من نواك بكيد منك رد خايب
من فعل يمنن ضرايبها عطيبه

من زبن بحماك يسلم مالطلايب
يامن بظلتك وتقنع طليبه

ان قنع بالسلم ولا بالحرايب
انت وجه السلم وسقام الحريبة