كلمات أغنية فتش في ترابك
فتش فى ترابك
قلبو ذره ذره
تلقانا بنحبك اكتر كل مره
نحن اولاد كفاحك رغم وجودنا بره
رغم الخطوه تاهت رغم الغربه مره
ننشد فى سبيلك عرفانا وجميلك
ونرحل فى هتافك يا عشق استمر
فتش فى ترابك
قلبو ذره ذره
بى عينيك نعاين عبر الضلمه باكر
بكره الجايى باين فى عوده مسافر
امن قلبو عندك طاف الريح مهاجر
انفاسك تنومو لما الحزن جاسر
واجراسك تقومو يصحى معاك يساهر
يصحى الحلم دايما شعب ضراعو وافر
فى الارض التزغرد فى افق الحناجر
والشمس البتطلع فى اعلى المنابر
وزى فى كل مره احلى واغلى ثوره
يا وطن الامانى وشعب ارادتو حره
فتش فى ترابك
قلبو ذره ذره
ياما الضفه تشهد يوم غنيت مكانا
يوم الغابه شافت فى عينيك زمانا
لما الكلمه تطلع منك برتكانه
زيك نحن نعشق شرط تكون معانا
فى توب البنيه وفى لمسات حنانا
فى كل الاماكن وين ماتروح خطانا
هو العيد نشيدك 0 واللا الفجر عيدك
نحن الفى بعيدك اقرب من وريدك
فى ايدينا جمره
طول الوكت حرى
ياوطن الامانى وشعبو ارادتو حره
فتش فى ترابك
قلبو ذره ذره
زرعو خصام جنوبنا بى سبب الديانه
الاديان سماحه وروح الدين امانه
طول تاريخنا عايشين فى السودان ضرانا
فينا لسانو عربى وفينا لسان رطانه
مختلفين ثقافه ومختلفين ديانه
من كل التباين وحدنا انتمانا
ومتفقين فى حبك يا عالى المكانه