كلمات أغنية حبيناك من قلوبنا
حبيناك من قلوبنا واخترناك يا حلو
ماتبادلونا العواطف ليه تدللو
حبينا فيك العفه والدم الشربات
والله العيون خلتنا في حيره واهات
وفي ابتسامتك شفنا جنات وجنات
شوف العلينا واحكم كن داير اثبات
كان الدلال من طبعك وعاجبنا فيك غرور
ان جرت برضك عادل ظلم الجميل مغفور
نهواك نفيك في ريدك شايفين المنا سرور
نار الغرام تهاجر لقلوبنا توقد نور
اصلو الجحيم في غرامك نرضا عشان يرضيك
حتى المحال ان درت بنطوعو ونهديك
ارواحنا حولك هايمه حارساك دوام تحميك
بيك نورت ايامن والفرحه تمت بيك