كلمات أغنية بنحب من بلدنا

بنحب من بلدنا ما برا البلد
سودانيه تهوى عاشق ود بلد
بعيون المفاتن شي ما ليهو حد

التوب المهبهب فوق ام الضفاير
والخد المعطر زي احلى الازاهر
والخطوه الانيقه ترنيمه مشاعر
انا بي كلو عمري بمشيلا وبسافر

مين في الدنيا ديه اجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا

في حلفا البدايه احلامي وهنايا
انا عايش لحبي المخضر برايا
النافره الاليفه بجروحي وهنايا

انا لي في كريمه شايقيه بشلوخا
نعتز بصفاتا ما نجهل تاريخا
ماها المابيه ريدتي ومو ياها المسيخه

في شندي العظيمه تلقى بنات جعل
وحدات في المتمه زي لون العسل
النايرات خدودن زي فجرا اطل

في سنكات بنعشق بت سمره وابيه
ترتاح في الضريره خصلاتا الغنيه
عاشت في شعوري احلى هدندويه

الواردات جدودن في الجود والشجاعه
البظهر جمالن من زمن الرضاعه
سودانيه ميه الميه في زوقا وطباعه
يا ناس ارحموني انا قلبي فرطاعه

لو تلقطنا اليانعه السمحه ونضيره
تستنى الحليوه في مشيه اميره
اجمل حب عندي في قلب الجزيره

لي في الغرب اغيد في دار حمر والبقاره
نحميها بسيوفنا تفاحنا ونضاره
تسكرنا الليالي وتطربنا النقاره

لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو