كلمات أغنية الله ليلي
الله ليلي
شن تشبه بلا الداسنو فى بطن المطامير
لدروبك انتى ما شقن بوابير
يا قشيش نص الخلا الفوق فى العتامير
البكركر رعدو و ديمه سماهو عكير
السمح مرعاك يا قش التناقير
الله ليلي
الزول الولوف لى قلبى خراب
انا بمشى و اتلفت لما النهار غاب
حديثك لى اكيد انا ولا كضاب
حد ما لملموهن خاطرى ما طاب
يا حليل امونه فى غرب الضياباب
الله ليلي
يا عجو المحس التقيل
التقيل فدع العراجين
انتى ما بدوك لى زولا مسيكين
الا واحدا نخلو مقرون فى البساتين
سواقيهو تصحى الكانوا نايمين
حليلك يا ام جبين يا بدر دورين
صديرك عام تقول غرر الوزازين
الله ليلي
جات تندلى بالوديان عديله
الكاحله بلا كحل بت القبيله
تمشى قدم قدم فى المشيه ريله
و تشكى من الطريحه تقول تقيله
نفيسك شمعوه جوه الفتيله