كلمات أغنية ارحل

قلت ارحل
اسوق خطواتي من زولا نسى الالفه
اهون ليل
اساهر ليل
اتوه من مرفى لي مرفى
ابدل ريد بعد ريدك
عشان يمكن يكون اوفي
رحلت وجيت
في بعدك لقيت
كل الارض منفى
عيونك زي سحاب الصيف تجافي بلاد وتسقي بلاد
وزي فرحا يشيل مني الشقا ويزداد
وزي كلمات بتتاوه تتوه لمن يجي الميعاد
وزي عيدا غشاني وفات عاد عم البلد اعياد
وزي فرح البعيد العاد
وزي وطنا وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الارض منفى
زمان الفرقه والتجريح بسيبو عشان تشيلو الريح
بسيبو عشان صحيح الذكرى بتوه عمرنا صحيح
وانت معايه لا بندم ولا بقضي العمر تبريح
اصلو العمر شوقا حزنا كان وصبرا كان فسيح وفسيح
اصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الارض منفى