كلمات أغنية كدبة ابريل

ده عيش وملح ايه
اللي عمالين تتلزقوا فيه
لو باقي بنا خيط
فالخيط ده انا هربطكوا بيه
عشره مين بقي بلح
واللي خياله فيوم سرح
يقل يوم معايا هيندم
انه مولود فيه

وريتكوا الاحترام
بس الظاهر مفهمتوش
بتموتوا في الأي كلام
مصلحه دايره تهتفوا
وقت وقوعي تختفوا
حياتي لا تكيه ولا حمام
خارجين داخلين عليه

حياتنا بقت بتذاكر يعني دخولها مش مجان
ولا فيه طيبه وحنيه ولا اڤوره ايام زمان
واللي عنده اعتراض يلبسه قبل اما ييجي ينام
يحكيه حدوته لنفسه وبعلو الصوت

طلعتوا اوحش مافيا يلا قابلوا متتخضوش
والله العيب عليا من البدايه متتعاشروش
ناس زي الكهربا ليها في الحياه دي كتير وشوش
عايزني ارجع واصفالكوا انا مش بريموت

بره وجوه دي عايزه غسيل
ولا شفت انا منهم خير
ولا افتكرولي فيوم جميل
في النداله مدرسه
وفالأذيه مكنسه
عايشين بيشفطوا الجميل
والحلو اللي انت فيه

طب ديه كدبه ابريل
كاميرا خفيه واشتغالات
واطلع في الاخر بحلم
ويكون ظني تهيؤات
اللي هشوفه هفتري
منا جوايا بتغلي
انا عندي لسؤال لأمي هي
بس جبتيني ليه

ياخي احلي
ما في الدنيا تلاقي ناس سالكه
دماغ ماشيه في نفس السكه
والسكه عالم فكه واه ده تمامكوا

دي اشكال مكسب خسارتها
وعجبتني انا جمله قريتها
دي فبيتها لو ربت ليه آخسركوا

معلومات الاغنية
كلمات عمرو سامي
الحان محمد رأفت
توزيع وهندسه صوتيه مؤمن ياسر
جيتارات سامح رفيق
ناي فتحي فرحات
تصوير ومونتاج محمد خليف
مساعد تصوير حميدو
إخراج عمرو سامي