كلمات أغنية وليفي

انا لا جيت بنشد عنك الا من مرني مرار
اجيب السالفه يلي عليكم تجذب السيره

اخاتل كل شي منك وانا سامح ولك عذار
غيابك شي مالك فيه ولا لك في تدابيره

صواديف الزمن جتنا تناوبنا مع الاقدار
وانا مؤمن وهو ربي يجيب الشي لك خيره

غيابك لو غدا كنه يلاعبني على التيار
بحور الراي من موجه تبعدني تفاكيره

كثير الناس في عيني ولكن ما بغت غيره

انا مؤمن وانا صادق وانا لي في صفوف احرار
وانا لي مبدا دايم تحكمني معاييره

انا مثل الذي كنه خطو في حقه الخطار
ولا له غير في صبره الا يالله بالخيره

تحكمني ملازيمي اعز الجار تلو الجار
سلوم عندنا تعطي قليل العرف والسيره

والا يامن غدا طيفه يزاحمني مع الزوار
طيوفك بد هالعالم لها في خافقي جيره

وحنا لو تباعدنا اشوفك دايما وامرار
وليفي دايما عندي على عيني تصاويره

مشاهيب الجمر تلحق وتلهبني مساعيره

وانا قلبي غدا كنه مثل شايب الا من ثار
اهم شي في عينه تشوف اغلا مغاتيره

وليفي لو درى عني وعن شي عليه صار
انا بحلف على الذمه يهز الكون تاثيره

بعيد الدار لكنه بنا في خافقي له دار
وانا له وافي وصادق ولو تبعد مشاويره

انا غنيت من مابي وحست بي جبال ظفار
يحس الشي لي منك وخص ان كان بالديره

وانا في نجدي الوافي عليكم من سلام اخيار
سلام يوصل الغالي يرد العلم تبشيره