كلمات أغنية ياعظيمة

بيني وبين الظروف القاسيه قصه قديمه
ماني بدايم وانا رايق مزاجي واجتماعي

والحياه تمر في لفات ماهي مستقيمه
لاتغير نظرتك والغدر ماهو من طباعي

ياعظيمه لو تصورتي محبتك العظيمه
ماتراودك الشكوك اللي بلا قيمه وداعي

الك وجهي مايجيك الغدر مني والظليمه
دام تربطنا الاسامي ف الثلاثي والرباعي

قبل اعرفك عايشن في هالحياه بدون قيمه
وين ماوجهت فيها من ضياع ليا ضياعي

يابدايه نور دربي فالحياه ويانعيمه
ترجمي ماقلت واذا ماصدقت اقطع ذراعي

والله انك من محبه شاعرك منتي يتيمه
امتلكتي قلبه وصرتي دواه من الوجاعي

لايهمك شي مادام انك بقلبي مقيمه
عن هوا غيرك بعد حبيتك اعلنت امتناعي

ياصباح الخير يانفحه شبابي يانسيمه
كيف وانا ب اهتمامك مغتني وامري مطاعي

ماتعرفين النفاق وماتعرفين النميمه
تربيه حر تكانه طول عمره في الرفاعي

مستحيل ابقى عظيم الا بدعمك ياعظيمه
وانتي اعظم من وقف خلفي وكنزي واقتناعي

كل ماخاطرك ضاق ارعاك با العين الرحيمه
في سبيل ارضاك يظهر قرص ضو الشمس واعي

في وجودك منتصر والانتصار الله يديمه
كل ماتاهت بي بحور الظلام انتي شراعي

السعاده في وجودك معي دايم مستديمه
الله يحفظك من الحساد وفمي الافاعي

مامشيتي في دروبن مخطيه ماهي سليمه
اقري حروف القصيده عن قناعه وانطباعي