كلمات أغنية منتوقه المارع

يوم اني اتعب وادور عن عيون القصيد
هقوتني المهره اللي نرخي عنانها

قريحه الشعر الاجزل والكلام المفيد
من صمخ ندر البيوت يفوح ريحانها

من امس في خاطري ياسعود علمً جديد
شعتني اللي يخفخفني طياشانها

شعلً تثور رهجتها لاندبها السعيد
زاعت وخلت معالفها وحيرانها

وتقول بالخيزران تطق لحيانها

هزعاً تجيب الهجوس اللي مداها بعيد
ماهيب دناً تقاصر عظم ذرعانها

مجنونة الطبع فالشده وخبط اللبيد
يجمع شتات جنبتها ندب رعيانها

سلالتن من معامق ساس شعلن تليد
يهّد فبكارها من ندر اخوانها

ترعى عقار الشيوخ وشرعت بالرصيد
وش عاد لو ترخص الدينار من شانها