كلمات أغنية عودك الممشوق

حلاله لو ألقاك عقب البطا والشوق
ووريك حال سمه البعد والفرقا

ترى من بعدكم كن قلبي بلا معلوق
الي مر طاريكم كفخ كفخت الورقا

ولو طالت المده يصير العهد موثوق
حفظنا عهود الود للجادل الطرقا

انا حالف بالله ما انساك يامخلوق
على شان تلويحتك والدمعة الزرقاء

مع التينتين اللي بوسط الحلا غرقا

ما ذاق الخمر واللي سكر حب كيف يفوق
هاذا والله اللي سارق حالتي سرقا

ولو كثرو العذال جيتك وراسي فوق
اجيكم على وضح النقا ما اعرف الدرقا

و الا يا عذولي ما احد راح لي بحقوق
ليا جات بالقوه خذيت الغضي طرقا

لا شفتها خربت وكلن نوى بالبوق
ابصيح في الروقه وابصيح في برقا

أنا وسط هيلا تورد السيف والمذلوق
زعلهم يخافونه هل الغرب والشرق

هكالحين ابنسى ويش سوت بي الفرقى

واحطك معي في الجيب ياحالي المنطوق
واسريه واصبح بين عمان والزرقاء

معلومات الاغنية
كلمات مطر محيديد الدلبحي
تسجيل ارانين
هندسة تون لايف