كلمات أغنية الشيب الفلاحي

إهداء إلى صاحب السمو الشيخ محمد بن زايد آل نهيان
الثناء والشكر لله رب العالمين
والحوال بخير من فضل ربي وكرمه

يالشيوخ الله يطول بعمر الطيبين
والردي ياجعل ربي يعجل بعدمه

شيخة ماهوب يندى لراعيها جبين
مايسمى شيخ لو كان قاضي محكمه

من شنا ربعه شنوه الاوادم الاخرين
ومن فتح صدره لربعه يحبون قدمه
مثل ابو خالد محمد عشير الغانمين
اخطل طلة نجومه تغطي الانجمه

المدايح تارده من يسار ومن يمين
وللعطاشا يم جمه حنين ورزمه

ياولد زايد محمد عسى ايامك سنين
يلبس انواط الشرف من يحطك محزمه

انت في مدحك جلابيب مدح المادحين
والله ان مدحك يعطر به الشاعر فمه

وانك اللي بعد ربي عوين المستعين
وانك الشيب الفلاحي بعينه وعلمه