كلمات أغنية غن يا صوت عنزه

غن ياصوت عنزه علمي وردد
اوصل عقول الرجال ولا تحدد
ولانتهاء مفعولها للعلم مدد
اطنخ الي يفهم افكار المعاني
.
قول يادكتور مبروك الشهاده
جبتها حنكه وتدبير واراده
تستحق الصيت والمدح وزياده
ياطموحاً حقق كبار الاماني
.
يافهيد ابن عشوي فياض حنا
نطوي اللوعات لجلك ونتعنا
تفخر بهمات شرواك بزماني
.
ماخذن عن طيب ابوك اقرب وسيله
يوم ابوك يشرف وجيه القبيله
عمده برفحاء وله نفساً جزيله
فزعة الملهوف لامن جاه عاني
.
انت يافهيد بتخرجك الدلاليل
للكلام الي يطابق للفعايل
تفخر بشروك كل عيال وايل
صار نجمك يشبه سهيل اليماني
.
من رسالين الفخر واهل الشهامه
عز عين المعتزي عز وكرامه
من سناعيس المهابه والفخامه
لابةً تجمع عريبين المجاني
.
ومن يغثك بالبشر لا لا يهمك
عزوتك عناز لامن فار دمك
بيرقاً للمجد في كل المواني
.
اعنزه تاريخهم مافيه عله
اعنزه اهل البيوت الي مطله
اعنزه يوم الشدايد مسفهله
خصمهم ماعاش في دنياه هاني
.
اعنزه للمجد تكريم وحفاوه
اعنزه ربع المكارم والسخاوه
اعنزه رجالهم لافز خاوه
مابهم من عاش بالدنيا اناني
.
اعنزه يوم الزمن سيف وايادي
خيلهم تاطى على روس المعادي
لاتناخو يركد الي كان غادي
لا لمح ربع الشجاعه والتفاني
.
اعنزه يوم الزمان الاول اول
فعلهم بالوقت من شافه تهول
يطنخون الي عن الامجاد مول
عزوتاً يفخربها قاصي وداني
.
جوك يادكتور بالعز ومتاعه
باركو تخرجك ربع وجماعه
يافهيد ابن عشوي في كل ساعه
نكتب لشرواك جزلات المعاني

معلومات الاغنية
كلمات : نواف هلال
توزيع ومكس : أذواق الفن
توزيع ديجيتال وانتاج مرئي : الفان