كلمات أغنية انت الغالي

كتبت لجلك موال
فيه الغزل يحلالي
ياشوقي ياراس المال
ياساكنن في بالي

بالماضي وبالحاظر
حبك بقلبي حاظر
ارسل غلاك وناظر
وش صايرا باحوالي

شعرك ليا هليته
دمار يخرب بيته
وجبينك ان غطيته
اضيع واعزالي

يذبح سواد عيونك
والموت بين جفونك
ورمشك ذبح مجنونك
بالشوق ياغربالي

خشمك من الله روعه
سوا بقلبي لوعه
وخدك ندر من نوعه
خلقه من الله حالي

ملامحك جذابه
منك البشر مرتابه
قد الغلا واعتابه
قدرك بقلبي عالي

يافاتنه يامزه
كلك دلال وعزه
عليك زول وفزه
تصلا الحلا بالصالي

حسنك جنان وصوفه
تذبح معاني شوفه
روحي معك ملهوفه
في حلي وترحالي

زولك يشد اشجاني
وعطرك شذى ريحاني
وحبك اسر وجداني
دونك خفوقي خالي

انت الدمار الشامل
وانا بحبك صامل
قلبي معك متعامل
ويضيق بعدك بالي

انت الغالي انت الغالي