كلمات أغنية سهم الحياء

هبة على الهاجس نسيم الجزايل
ولاح الشعر في غيمة افكارها لاح

وسندتها وغصون فكري تمايل
وركبتها وانضمتها نضم مسباح

وياهجسي فكك صعيب الفتايل
وانا ادري انك لاعصى فكري سلاح

ماني معرضها الدروب الهزايل
ولاني مغرقها معا كل سباح

ومالله خلقنا نتبع سهم الارباح

ويامرحبا تسبق سبوق الاصايل
ترحيبن يجمل كما العود لافاح

ويامرحبا باهل الوفاء والحمايل
بلسان ابو راكان ترحيـب نضاح

في محفل ابن ادحو زمل الثقايل
هم رمحنا لابينت زرق الارماح

ومبـروك ياراكان واف الخصايل
لابن ادحو يا جعلها دايم افراح

والله يباركلك يا راع الفعايل
عداد ماغرد مع الصبح صداح

روس المعادي تنقطف قطف تفاح

حنا مراكينا بروس الطواي
ولانسندها على كل مرواح

وجينات وايل ماتعرف التحايل
وكم فارسا من وقع ضرباتنا طاح

حنا هل الطاله بفعل ودلايل
رسلاني سبيعي والانياب كلاح

من مقبض الهندي لحد السلايل
سيوفن لقضم المعادين ذباح

ذولا السناعيس الدهات الاوايل
يوم العرب في زادهم قل وشحاح

وفعولن انقى من مزون الهمايل
ولاتلوي ارقاب الرياجيل الامداح