كلمات أغنية كنت فاكر

أنا مستاهلش منك انت كل ده
ازاي أهون عليك تجرح قلبي كده
عديت كتير ومنولتش منك الرضا
بالعكس كنت بتيجي عليا بزيادة

كان نفسي مره احس انك باقي شوية
ازعل متقدرش تشوف دمعة عنيا
لي كل مره انت تجيب اللوم عليا
وكإن في كل مشكلة بنعمل اعادة

مابناقص بقي من التلاكيك
بغبائك كرهتني فيك
ولا عارف اكمل ع الحال ده

كان حبك حلم بقي كابوس
وكإني في سجن ومحبوس
تجرحني وانت اللي تدوس
وعايزني اكمل عادي وأرضي

أنا كنت فاكر نفسي هتسند عليك
ولما الحياة تجرحني أنا هتداوى بيك
لما الجراح جت منك اتصدمت فيك
قولي بيجيلك نوم ازاي وأنت ظالمني

علمني قبل ما تمشي اعرف أكون ناسيك
أنا نفسي أكون تاني لنفسي مكونش ليك
أنا مش بقول كده عشان أصعب عليك
صعبان عليا سنينا وهتعيش تفتكرني

بغبائك كرهتني فيك
مبقتش أنا قادر ارضيك
ولا عارف اكمل ع الحال ده

كان حبك حلم بقي كابوس
وكإني في سجن ومحبوس
تجرحني وانت اللي تدوس
وعايزني اكمل عادي وأرضي