كلمات أغنية دولاب متكركب

موفرتش محوشتش ليوم احتاج
ومقابلتش سند يسند وانا محتاج
بقابل وجعي بالنسيان وواخده علاج
واقول بكرة هتتعدل لكن كداب

في ناس شكرا لافضالها وناس لجراح
وناس كان لازم اخسرها عشان ارتاح
مبادئ لو هغيرها هموم تنزاح
سنين بتعدي اكترها بجد عذاب

تايه بالاحزان علي مركب
ليه مش لاقي البر
للاسف مضطر

أعاتب مين وألوم علي مين وليه اشكي
دموع في عنيا متحاشة بتدبحني
شعور يائس بيغرق مين هيلحقني
وشط الفرح ليه دايما مودعني

وبسأل نفسي كل دقيقة الف سؤال
وملقاش رد وحقيقة دا بخت ومال
ومين دلوقتي يتآمن ما كله اهو بان
يا بحر الغدارين شكرا بجد تمام

تايه بالاحزان علي مركب
ليه مش لاقي البر
عامل زي دولاب متكركب
للاسف مضطر