كلمات أغنية يا ناس احبه

يا ناس احبه و احب اسمع سواليفه
صوته يشتت هموم عايش فيها
يامر و ينهي و انا دايم على كيفه
ارجي ورود الهوى تنبت باراضيها

لو غاب عني يعيش الفكر مع طيفه
و ان صار عندي حياه الحب الاقيها
مسكين قلب شكى غيبه مواليفه
عزي لعله تعذر من يداويها

ظل ظليل علي و غصونه مريفه
شمعه زماني عسى الله ما يطفيها
ان سل من نظرته لاهل الهوى سيفه
و يطيح قلبي من غصون نبت فيها

لا من ضحك لي خذت قلبي تواصيفه
و لا من زعل عفت انا الدنيا و ما فيها
لاجل ان احبه و احب اسمع سواليفه
صوته يشتت هموم عايش فيها