كلمات أغنية سلة اوجاعي

وجع حب .. وجع خوف وجع شوق وجع ضيقه

على كيفك .. وهاك اختار .. هذي سلة اوجاعي

غلا واسمع نزيف الجرح .. كلام الصمت ما طيقه

أنا محتاج اسولف لك .. عن أول وآخر أوضاعي

وابد لا يجرحك صوتي .. حياة الطير تحليقه

عليك الله تصير الكون .. والمسباق والداعي

انا اصدق طير في الدنيا .. عشق حتى مسابيقه

ولكني بقيت اذكر .. معاك ايام مرباعي ..

تعال افتح كفوفك حلم .. اموت بيوم تحقيقه

تعال ارسم بحور العشق .. واكسر لو تبي اشراعي

ابي غيم ٍ سرق ربعي .. وذللهم بتشويقه

ابي ذاتي ابي مولد .. يوازي صرخة الناعي

احس بداخلي عالم .. حرام اقتل مخاليقه

حرام اسكت وانا صوتي .. نثرته وجه لتباعي ..

تعال افتح كفوفك حلم .. اموت بيوم تحقيقه

تعال ارسم بحور العشق .. واكسر لو تبي اشراعي

يا أول قلب يبكيني .. وتبكيني مواثيقه

انا اطباعي مهي زينة .. ولكن هذي اطباعي

تغربني قوافي الموت .. واقود العمر تشريقه

اعيش بشبه غيبوبه .. ونا ادري إن الزمن واعي ..

اكمل لك وجع خوف .. وجع شوق .. وجع ضيقه

على كيفك ترتبني .. حلالك كل اوجاعي