كلمات أغنية طروا اسمك

انا لا من طروا اسمك تلفت كل ما فيني

اجل لا مرت اطيوفك شسوي يا بعد حالي

مكانك في معاليقي حفظته بيني وبيني

يا اجمل حلم في عمري يا اعذب من شغل بالي

عسى ما نلتقي صدفة وتصرخ يا هلا عيني

واذا صار اللقى تكفى طلبتك لا تجي قبالي

انا ذاك الغريب اللي سكنته ولا شكى شفيني

وانا اللي له ثلاث سنين يقول هذا يتهيا لي

انا ادري علتي انت ولا ابغي من يداويني

لو انك سم في عروقي دعيت الله تبقالي

كثيرين اللي هم حولي ولا غيرك ملا عيني

ولا في هالبشر من هو يساوي قدرك الغالي

احبك ايه نعم والله ولكن يا معنيني

طلبتك روح ولا تملي في قلبي مكانك الخالي