كلمات أغنية الخد الاشقر
لي باللواحظ رماني وفي بحر شوقه خذاني
ياني بتالي زماني والفكر به تاه وابحر
هز التوازن حضوره من شافت العين نوره
سلمت والشور شوره لا اخذ ولا اعطي ولا اقدر
سلهم وضيعت ردي بعيون فيها تحدي
ومن لامس الخد خدي خدي بخده تخدر
عطره وطيبه شذاني وعطر علي المكاني
وحرك شجون اتزاني افوق بالطيب واسكر
خذني بتيه المودة ما بين جزره ومده
واللي خذه ليت رده قلب من الضلع الايسر
من ينظره من يشوفه اتشب ناره فيوفه
تفرك يدينه حسوفه وفيه العواطف تكسر
ماخذ وصوف الدماني خفه وعود اللياني
وخد من القيحواني امشرب اللون واشقر
فيه الغنج واللطافة وفيه الصبا والترافة
ومعزلات انصافه عوده شرا الموز الاخضر
له النحر ما يخفى الماس غالي مصفى
يوم التفتلي وقفى عليه الله واكبر
ما حس قلب يحبه يومه علق وانتشبه
عاف العذارى عسبه وغلاه في الروح يكبر