كلمات أغنية الوزن الثقيل

القصيد الي تزاحم بصدري كل ليل
بينه وبين آخر الليل ميثاق وعهد

اتوجد كل ما طرف الليل الطويل
كن في راسي قبايل وفي صدري بلد

ساحة الشعار فيها صهيل ودبك خيل
تفحم الرجال ماهي ب حبلن من مسد

وأنا شاعر بندقي تطرح البيت الجزيل
لا استوى رمي البنادق وجاء رمي الركد

واشرب الفنجال واحرق كبود اهل الحسد

اعتزي لا قيل ما للحمول إلا شعيل
ادري ان بعض المواجيب ما عنها مصد

لا ذكرت أصحابي الي من الوزن الثقيل
اول ما يطري على بالي محمد سعد

ابلجن يقدم على الموت لا هاب الذليل
كني اقرا في طرف عينه ابشر بالسعد

يا محمد والرياجيل ما تمدح بخيل
كيف ارد المدح والمدح عندك ما يرد

انت king المرجله والشجاعه والجميل
اشهد ان ابوك يالاحمري عقب ولد

فيه من هيبة معزي وطنخة بو فهد

اسمه لحاله يخلص قبيل من قبيل
ان نصيته فزع واذا هبد صدره هبد

هاذا ابو فايز مجمل ورجال ودليل
جعل عينن ما تحبه يطاولها الرمد

هيبة امجاده مثل هيبة السيف الصقيل
كن ربي خالقه درع وحزام وسند

من بهيش اهل التواريخ مزبان الدخيل
الرجال الي على طيبهم كلن شهد

المدوح وكلمة ونعم من جيل لـ جيل
احتموها يوم ضرب المشوك والكند

يا عيال بهيش تاريخكم ماله مثيل
يوم جيش المعركه يستريح ويستعد

البهيشي لو تميل الرواسي ما يميل
احتزم به في المهمات وابشر بالسعد