كلمات أغنية المحزم المليان

الموال

ارحبوا يا ضيوفنا عد همال المطر
بسم شيخ القيف واسم القبيله كلها

ارحبوا عند آل مشخص مقابيس الخطر
عزوتن وقت الشدايد يضلل ضلها

قصيدة الشيله

طريق الهوى والشاهي المر والمسباح
وليل الشتى الي ما يخلي حراكاته
يجدد علي الي مضى من تعب وجراح
ويرجع شريط الذاكره من بداياته

مع اني ما احب اطرد ورى كل شي راح
والإنسان ما يلحق على كل ما فاته

الواهني الداله السالي المرتاح
الي ما عرف درب القصيد ومعاناته

بيوت القصيد الي يقولون ضرب سلاح
ماهي تستوي إلا بعد ضيق وتنهاته

وأنا في ضميري واهسن كنه القرقاح
بتفكيره المبدع وفي قوة ابياته

لزوم ال مشخص حان وقته وبرقه لاح
الي صيتهم بالطيب تصعب مجاراته
بني عمنا عشاقة المجد والامداح
من اعظم دهاة العصر وأطيب قداواته

كرمهم على الفطره يوم ان الليال شحاح
يوم ان الكريم يقدمه كبر مداته

يا خالد سعد تستاهل ودامت الافراح
يا عز الخوي الي تجمل مخاواته

خويي على وضح النقاء والقلوب صحاح
يجي فوق هقواتي واجي فوق هقواته

تذكرت بن جدلان وعبيد بن شلاح
ليا قام كلن يفتخر في علاقاته

ولد شايبن متواضع وصامل ولماح
شجاعن تنومسنا علومه وفزعاته

هاذا الفارس الي كنه غليص بن رماح
على العز والناموس يفتل شناباته

وقف دون حد المملكه وانقذ الارواح
وداس الخطر من طيبه وطيب وقفاته

تطيح الرقاب وبيرق المملكه ما طاح
وطنا على اعلى قمه ترف راياته

وحنا الحلافات اسمنا شامخ ورنان
يفاخر بنا التاريخ من كبر اسامينا

تواريخنا وامجادنا من على الجدان
وهاماتنا ما تخضع إلا لوالينا

أماري بربعي عزوة الشيخ بن خبزان
ويا طيب حاضرنا ويا طيب ماضينا

ترانا الحلافات ان عوا للخطر سرحان
ندك الجبال الراسيه من عزاوينا

هل البندق الي ضربها يمن الحدان
على صوتها كن المنادي ينادينا

نسوق الرقاب الحمر في ساحة الميدان
لو الموت تو عيوننا ما تراخينا

علي الحرام ان ربعي المحزم المليان
على العز يبشر بالسعد من يخاوينا