كلمات أغنية مع السلامة

والله يا ميت خسارة القسوة ماهيش شطارة
لو فيكى رحمة يا دنيا طيب ايه الامارة
صعبانة عليا نفسى مش قادر اسيبكوا وامشى
واودع كل حاجة قدام باب العمارة
يعنى الذكرى الجميلة وسنين عمرى الطويلة
فجاة بسببك يا دنيا
وقفوا عليا بخسارة

شايف فى عنيكوا دمعة شايل منها ف عنيا
ومافيش حاجة بايديكوا ولا فيه حاجة بايديا
مش مستحمل اشوفكوا قاعدين بتداروا روحكوا
وماحدش فيكوا قادر ييجى يسلم عليا
لو تبعدنا الليالى لكن دايما فى بالى
دنيا بتجمعنا مرة
وتفرق بينا ميه

ومع السلامة السلامة مع السلامة مضحوك علينا من الدنيا ياما
ومع السلامة السلامة مع السلامة دنيا غريبة ومفرقانا

سكة يا عالم اخرها ومافيش قدامنا غيرها
وسنين سايبالنا دايما فى قلبنا علامة
وتعبت يا دنيا فيكى من همى دعيت عليكى
خدتى حقوقك وحقى سايبه ليوم القيامة