كلمات أغنية حلي عنا يا مدارس
حلي عنا يا مدارس بدناش تعلمينا
زهقنا من المدارس وعفنا اواعينا
زهقنا من المدارس وحياتك اعتقينا
تا نشوف حياتنا يلا خلصينا
كل يوم بفيق الساعه سبعه
بقوم بلبس اواعيي بسرعه
بفرك سناني
بسلم عجيراني
بنزل بشتري من الدكانه
بوصل عالمدرسه الساعه تماني
بلاقي الحارس مستني واقف
بمسك حالي وبضلني لافف
بروح من الجهه الشرقيه
بوابه منيحه فيهاش شومريي
بتوصل عالساحه الرئيسيه
بوصل عالمدرسه بانتظام
بلاقي استاز بف باف
بطلع فيي منيح
وبطلع بعينيي
بطلع عاجري
وبلف حوالي
من كتر الخوف رح اش تحتي مي
دغري بقول راحت عليي
بالاخر بقلي اشلح سنسالك
احسن ما توكل كف عمنخارك
وانا بقولو شو فش حدا قبالك
باكل كف وبفوت عالصف
حلي عنا يا مدارس بدناش تعلمينا
زهقنا من المدارس وعفنا اواعينا
زهقنا من المدارس وحياتك اعتقينا
تا نشوف حياتنا يلا خلصينا
قاعد بالصف تعبان يئسان
نفسي اروح والله جوعان
نفسي اروح ياخي نعسان
وعنا اسه استاز غسان
جاي يعلمنا جغرافيا
ان شاء الله يا رب توخدك المافيا
خلص تعبت يئست زهقت
رن الجرس كيفت
رن الجرس وهاي استراحه
وهون بتبلش عندي الراحه
بروح بقعد على بنك الساحه
وبقعد بطلع عهديكا الناحه
صبايا مؤدبات يا عيني يا ليلي
صبايا ازا بتقعد معهن يا ويلي
شباب شايفي حالا عالفاضي
وكل الليل قاعدين عند ماضي
بنات عم تردح للمعلمات
شباب مزح تقيل مع البنات
مزح ايدين وضرب بوكسات
وكلو قاعد بزبط رنات بلفونات
حلي عنا يا مدارس بدناش تعلمينا
زهقنا من المدارس وعفنا اواعينا
زهقنا من المدارس وحياتك اعتقينا
تا نشوف حياتنا يلا خلصينا
ولعت طوشه وفيها سكاكين
والبنات يا حرام ياي خايفين
والمعلمين مش فاضيين
مع بعض مشغولين
والشباب واقفين عم بحمسوا التنين
رن الجرس بنرجع للصفوف
يعني مترجع الضجه وضرب لكفوف
بنقعد نستنى ساعه وساعتين
شو بدنا نعمل هيانا مستنين
اجتني فكره
بدي اهرب بدي ازرق
بمسك الشنطه دغري وبمرق
بعمل حالي رايح عالحمام
بروح بدعسها اوفر يا سلام
وعالطريق هي العطله الابديه
ان شاء الله يا رب قنبله ذريه
تفجر المدرسه والمديريه
وبالذات المدرسه الشامله العربيه
وتخليها زي الملوخيه
بوصل عالبيت
بقولولي تعال
بنزل بتفتل
وبروح بنام
بفيق تاني يوم
نفس الموال
حلي عنا يا مدارس بدناش تعلمينا
زهقنا من المدارس وعفنا اواعينا
زهقنا من المدارس وحياتك اعتقينا
تا نشوف حياتنا يلا خلصينا