كلمات أغنية لسه فاكر

لسه فاكر كل كلمة حب قولناها زمان
لسه شايفك بتناديني وانتي في عنيكي الحنان
لسه صوتك جوه مني
لسه ريحتك جوه حضني
حتي تنهيدك حبيبتي وانتي حاسه بالامان

فين وعودنا لو زعلنا ماكان خصمنا ف يوم يبات
كنتي جوه ف حضني تهدي مهما كان بينا خلافات
كل همي كان حياتنا
حلمي بس نكون ف بيتنا
كل ذكري عيشتنا هي برضو اللي موتتنا
كل ذكري عيشتنا جالها وقت وموتتنا
فاكره لما الدنيا تاخدك كنت باجي وبحضنك
وقت ضعفك كنت ديما ضهر ليكي وبسندك
كنا نسهر بالساعات
كان مابينا في حكايات
كل حلم لقيته مات والفراق بقي يبعدك

لسه شايفك في الشوارع اللي ياما مشينا فيها
كل حاجه لسه باقيه الا روحك مش لاقيها
ذكرياتنا بتطاردني
كل ذكري دمرتني
والليالي غلبتني اعمل ايه يوصلني ليها