كلمات أغنية حياة جديدة
- كلمات
- احمد شكري
- ألحان
- مونتي
انا اللي عيوبي شوفتيها
وعيشتي بسببه في الازمات
كتير نفسك جيتي عليها
صبرتي في اصعب الاوقات
كتير حواليكي قالوا ليكي
مجازفة انك تكوني معاه
جاوبتي على اللي لاموا فيكي
حبيبي ومستحيل انساه
انا اتغيرت على ايدك
ارد ازاي انا جميلك
في عيني وقلبي لو اشيلك
دة مايكفيش يا اغلى الناس
حياة جديدة انتي بنيتيها
ليكي الفضل اني اكون فيها
سنين تعبك دي تنسيها
مفيش م اليوم دة هم خلاص
في وقت ما كله غاب عني
وعيشت في وحدة وفي معاناة
مكنش في حد يفهمني
احس براحتي وانا وياه
وجيتي انتي من الجنة
تحلي حياتي والايام
دي فرحتي بيكي تتغنى
ويكتبوا فيها احلى كلام