كلمات أغنية كله عايز

هنا كله عايز
جايز شباب الدنيا عجايز
دغري مشينا طلع مش عاجب
لفينا خسرنا حبايب

كله مسيكب
فككوا مني محدش طيب
فاهم بينظر و جاهل بيعيب
وقت الميغه الكل قريب

مربوطه المظاهر بالغش
كل العسل معرفش
كإنها متغمسه بالمش

لساني صريح مبجلونش
لساني أبيح مبجملش
متمثلش
لقائي فرصه متتفوتش

لسه الدنيا بتشغلني بحاجات عمري ما حبيتها
كل شوية بخش في سكه تخلي طموحي ان اطلع منها
الادويه مبتسعفنيش رجوع الماضي مستحيل
الاسأله مبتعجبنيش فا جوابي دايما مش جميل

ـــــــــــــــــــــــــــــــــــــــــــــــــــــــــــــــــــــــــــــ
سهل انا و انتي
يجمعنا بيت يا حبيبتي
بس لما الدنيا تمشي
بدماغ مخرج خيال علمي
الحلم مرض بس حلو و عاجب صاحبه
مستهون بيه عشان محدش مات بسببه
مفكر انه لوحده و طوب الارض شبهه
لو غفل خمسه هيصحي يلاقي الكل سبقه

ــــــــــــــــــــــــــــــــــــــــــــــــــــــــــــــــــــــــــــــ

قالولي اتعب عشان تلاقي
سألت اتعب في ايه سكتوا
كل اللي عليهم
مش هتبطل اللي انت فيه ياجو
بطلوا انتوا تتابعوا
بصنع مجد و انتوا تلهوا
نوركوا اختفي لإني خاطفوا
واللي مش شايفني فيكوا
ده لإني اعلي من حواجبوا

سمعوني في كلام معسول
رغم ان حياتهم مالحه
سيبت نصايح الفاشلين
و مشيت في طريق الاساطير الناجحه
تعبت كتير ان جيت للحق
لفيت الدنيا مدق مدق
صبعت للقيود و قولت لا
و جيبت فلوس من قلب الشق
ـــــــــــــــــــــــــــــــــــــــــــــــــــــــــــــــــــــــــــــ
سهل انا و انتي
يجمعنا بيت يا حبيبتي
بس لما الدنيا تمشي
بدماغ مخرج خيال علمي

الحلم مرض بس حلو و عاجب صاحبه
مستهون بيه عشان محدش مات بسببه
مفكر انه لوحده و طوب الارض شبهه
لو غفل خمسه هيصحي يلاقي الكل سبقه