كلمات أغنية عاملة جامدة
- كلمات
- محمد البوغه
- ألحان
- مصطفى الشعيبي
حاولت كتير أغير حاجة فيك
وأقول معلش عادي استحمليه
تعبت معاك ومش هكدب عليك
هغير ايه انا بقى ولا ايه
انت مش محتاجني جنبك
انت حالك شكله عاجبك
سيبني واتغير لنفسك
في النهاية كله ليك
عشت اقول للناس دي فترة
شوفوا هيكون ايه ده بكرة
عاملة جامدة وعاملة شاطرة
لأمتى انا هراهن عليك
شفت منك ياما لكن حبي ليك خلاني اقول
بكرة يفهم بكرة يعقل مستحيل ملاقيش حلول
بس كل ما ببني حاجة وانت تيجي تهدها
يبتدي يضعف ايماني اني لما اصبر هنول