كلمات أغنية تغيير الفصول

اللي عدى قبلك كله قلبي عنه فعلا مش مسؤول
كان مشقلب كلو ومش معدول
حاجة تشبه تغيير الفصول

صدفه جيت قصادي خطفت قلبي شغلت عقلي ودبت فيك
كل ما قول كلام بيكون عليك
يعني فعلا روحي لقيتها فيك

كل اللي بيسألني عنك انت عيوني بتضحك بس ليه
يعني ممكن احكي واقولو ايه
ع اللي ساكن فيا وساكنه فيه

بترتب حياتي بلمسه شيك
واخد كل حلاوة الدنيا فيك

اللي عدى قبلك كله قلبي عنه فعلا مش مسؤول
كان مشقلب كلو ومش معدول
حاجة تشبه تغيير الفصول

كل الناس في كوم وحبيبي كوم والباقي يعني مالوش لزوم
شاغل بالي لما بنام واقوم
انت نعمه بدعي يا ريت تدوم

زي مصباح سحري بيحققلي في ثانيه كل الأمنيات
ده اللي في عز صمتو قايل حاجات
شكلو زي أمير الروايات

انت زي باركود قلبي مش بيقبل يفتح الا بيك
واخد كل حلاوة الدنيا فيك

زي طفله بتلجلج في كلامي لما بس بشوف عينيك
ايوه طبيعي اتسند عليك
فيك كاريزما تشد الكل ليك

اللي عدى قبلك كله قلبي عنه فعلا مش مسؤول
كان مشقلب كلو ومش معدول
حاجة تشبه تغيير الفصول