كلمات أغنية الحظ
- كلمات
- ويجز
- ألحان
- ويجز
مشحططاكوا بقالها فترة
ست آلاف مش بطة
الراجع بيفكر
ماشي مولع ع الطريق آهيه
كله بيديها بصة
حطيت عليها خرزة
خمسمية وحاجة فرسه
حافظينها في الكمين
بتتشعبطوا فينا إنتو زواحف
S Plus أنا مش جاي أكارك
بص فلوسي بتطير أنا ساحر
مش جاي أواكب شغل مواكب
كلها عاملة نجوم وكواكب
فتشتكوا فيها لعب موالد
عيال فرافير أوي عاملة سوابق
راكب الفرسة عشان أنا فارس
بقالي كتير ما باكلش أنا خاسس
أنا جاي أفنطظ مش جاي أنافس
أعدائي بقرون وحوافر
مش ناوي أخليكوا فيها أنا جازز
باجي في ميعادي مظبوط أنا حازم
مش عارفين يلاقوني أنا شاحح
بصحى الصبح ألاقيني مشهور
مع ذلك أنا Gentle مش مغرور
ومعايا عربية وبعرف أسوق
بيقولوا أفكاري بره الصندوق
أنا بسند عمري ما أكون مسنود
أنا نجم عليك عشان أنا منشود
المهم المنتج عارف قيمتي
فماتلاقيليش مقطع محذوف
ضيقتها في الحظ
بنقط وفلوسي بتطير قدامي
والرقاصة مش عايزة تروح
بتقولي ما تحدف تاني
سايقها أكني الواد Leclerc
علشان تعبان في دماغي
وفي نزلتي بتخشوا جحوركوا
أغانيكوا تعبتلي وداني
من غير ما أعرف
قلمك مكسور وبتكتب بالأنبوبة
إيه يا جدعان
اللي بيهرش مني يسأل على زيت حبوبة
الواد مفتري ممسوك بالدفتر
وفي مخه ما فيش معلومة
جه يدبسهاله في المحضر
مالقاش أي حاجة مكتوبة
كلكوا عارفينا
بتوع الأخبار مش حالينا
مالكوش سكة معانا
إنتو بجد شباب حادفينها
تحت إيديا حديدة أتونها
دماغي تقلانة بوزنها
حواراتكوا قديمة
راكنينها عشان مش جايبة تمن بنزينها
إسلكوا وكفاية شغل شواحن
بتتشعبطوا فينا إنتو زواحف
S Plus أنا مش جاي أكارك
بص فلوسي بتطير أنا ساحر
مش جاي أواكب شغل مواكب
كلها عاملة نجوم وكواكب
فتشتكوا فيها لعب موالد
عيال فرافير أوي عاملة سوابق
بعلى بيها ما بجيبش آخرها
ببعت أعدائي بعدين أأجلها
من وزن الشنطة إيدي مخدلة
والزحمة في الخزنة مقندلة
شايلة حمل ومتبهدلة
بتقول خلاص مش مستحملة
قلت أفك عليها وكده
مشحططاكوا بقالها فترة
ست آلاف مش بطة
الراجع بيفكر
ماشي مولع ع الطريق آهيه
كله بيديها بصة
حطيت عليها خرزة
خمسمية وحاجة فرسه
حافظينها في الكمين
مش زيك ما أتشبهش
على طول في الكالما ما بتنرفزش
إنت بتفتحها ما تتزفرش
أما آجي أزفرها ما تتمسكنش
أنا مش جاي في مصالح
أنا لماح أنا رابح صقر
إنتوا شاريين ليه باي ومجانص
ناس مش هارشة التونة من الضرب
ضيقتها في الحظ
بنقط وفلوسي بتطير قدامي
والرقاصة مش عايزة تروح
بتقولي ما تحدف تاني
سايقها أكني الواد Leclerc
علشان تعبان في دماغي
وفي نزلتي بتخشوا جحوركوا
أغانيكوا تعبتلي وداني
كانوا تحت باطاطي
كان صوتهم واطي
بجوزهم زي شراباتي
بجلدكوا بشكل حضاري