كلمات أغنية مكملناش يومين

مكنتش عارف ان الزعل بكره هيغير ملامحي
فضلت اطبطب عـ اللي جانبي سابني وريحته لازقة في كفي
ليه دلوقتي لو عايز تمشي كان من بدري
ليه خلتني اخش الفيلم لو هحضر نهايته لوحدي

ليه نسيت اخوك الجدع مش فاكر خلاص
بعد ما كنا كتف في كتف ليه بقينا راس بـ راس
عادي بتعادي صاحبك يا خسارة ايامي
اللي انا قضيتها معاك وفاكر انك اقربلي من اخواتي

فارق خلصت خلاص وحتى قلبي خد عازاك
انا علمته من زمان ميعوزش حاجه مش عايزاه
حتى لو بتضيق ساعات راضي بـ شيلتي الحمد لله

حتى الحبيبة خانت لما الشيلة زادت
بعد شوية انا حسيتها كانت غمة بس انزاحت
كل الحكاية بعدك حسيت الفراغ
بس الشاطر يا صاحبي يمشي وميبصش وراه

كل اللي عدى كان لازم تعدي بيه
كل اللي عادى فجأة من البداية كان معاديك
مين شدك جانبه عشان بيتطمن جانبيك
كل اللي شدك جانبه خايف تسبقه تعديه

كل اللي سمع همك مسمعش اهتمام
وبكره تقول صدقت لما يعايرك بيه قدام
كل اللي ساكت قال عشان مفيش كلام
بس الحقيقه فيه ومش عايز يقوله معاك

انا من يوميها وعيني مبتغفلش ولو دقيقة
منسيتش بـ سيجارتين وبيرة
لكن دعيت عليكوا في كل ساجدة بسجد فيها

مبكيتش عينيا في الفراق لكن بكيت
لما شوفتك عايش بعدي ومش فارقلك اي شيء
ازاي بيجيلك نوم قولي ازاي نسيت
قولي ازاي عرفت بعدي ده احنا مكملناش يومين

دلوقتي بانلي اصلك والوساخه طافحه
قولي ازاي بتشوفني سطر وقت ما كنت شايفك صفحه
وليه ليه سيبت في قلبي باطحه وسيبت جروحي واضحه
وانا كنت بسكت واضحك وقت ما كان لسانك فاضحك

شوفت الفرق بينا كبير زي الطول والعرض
سابولي نسخة مني كل ما اشوفها انا بتخض
خليني افضفض بس ومش مهم الرد
انا كنت عايزك اب مكنتش عايزك احسن اب

كل اللي عدى كان لازم تعدي بيه
كل اللي عادى فجأة من البداية كان معاديك
مين شدك جانبه عشان بيتطمن جانبيك
كل اللي شدك جانبه خايف تسبقه تعديه

كل اللي سمع همك مسمعش اهتمام
وبكره تقول صدقت لما يعايرك بيه قدام
كل اللي ساكت قال عشان مفيش كلام
بس الحقيقه فيه ومش عايز يقوله معاك