كلمات أغنية معرفتش امشي

أنا لعنة صابت كل قلب شالني
معرفش غير الوحدة ومش هتلاقي غيرها في قلبي
وعشان معنديش بيت معنديش أرض أقول دي بلدي
من يوم ما وعيت ماخدتش نفسي عايش بس بجري

كل اللي في دمي ويسكي تحس قلبي نفسه حانة
حب الحقيقة اختفى وحالا بهرب مـ الإجابة
وأداري دموعي بضحك زايف وسط كام دعابة
أسف يا ليلو عشان دايما ببوظ كل حاجة

أنا الخيبة اللي كانت بتمنع ضحكة أمي تطلع
فاكر كام مرة إتقاللي فيها فاشل مش هتنفع
وعشان كان نفسه في إبن ناجح حسيت إنه إتخذل

كل اللي إتعشم فيا سابني والزعل في صدره
لا عرفت أحقق حلمي ولا عرفت أحقق حلمه
كان نفسي في صور لينا تتحط في ألبوم بـ إسمه
لكن دايما بحس إنه مكسوف يقول إني إبنه

فضلت أكل في نفسي لحد ما سناني إتكسرت
كل العتاب كان أخره كلمة بين قوسين حصلت
أنا كنت خايف من غبائي ييجي يوم وأخسرك
رغم إنك كنتي خايفه نبعد بس عشان منظرك

وليه قالولي الشرب هينسيني همي
لكن إكتشفت فيما بعد إني دمرت نفسي
بطلت ألومها واسأل ليه وإزاي عاشت من بعدي
أنا اللي أستاهل ضرب الجزمة عشان معرفتش أمشي

كان لازم تسأل نفسك عيلتك نفسها حبتك
أنا مـ البداية بـ طولي وماليش ضهر أنا عريان
لكن مكسوف أوضح ده عشان الشكل العام

تركيزي بيدمر خلايا مخي
كل الصدامات بتظهر لما أحاول أفتح بوقي
أكتر واحد بتكلم وأكتر واحد مش مسموع
أنا مش أول فنان يموت مـ الجوع