كلمات أغنية الا انا

ليه تاني يسطى مش كنا قولنا الوحدة رحمة
مستني تفهم ايه بعد اما الضربة جت من صاحبك
وفي نفس القهوة لسه مبيسألنيش باريستا
نفس القهوة ونفس سيجارتي وذكرياتي بنت الوسخة

وفي راسي صوت بيردد هتموت لوحدك
مش عاجبك إتكلم لو كان حد حابب حكيك
كان ليا زمان حبيبة وقالت إني مش قدها ع الدنيا
كانت فخورة بكل الناس إلا أنا

مبقاش في القلب غالي واللي باعني بيعته عادي
واللي رجعلي سابه التاني روحت بايعه هو التاني
ده أنا لو شيلتها في عيني كانت بتلومني عشان ضيقة

مبيعجبهاش العجب وأنا مش حمل
أفضل عايش أراضي في حد من البداية مش حاببني
خليها تمشي وبكرة الدنيا هتربيها
بين نار ونار يا أخويا محصله بعضيها

الشوك في رجلي مش في السكة اللي أنا مشيتها
عارفه إني هزعل وبتعملها
يمكن مكنش بيفرق ليها مين هيزعل
بيفرق لكن مبيفرقش لو كان انت

الشوك في رجلي مش في السكة اللي أنا مشيتها
كانت عايزه البعد بس ميبقاش جي منها
يمكن مكنتش فاهمة إنك أصلا هتزعل
كانت فاهمة وكانت بتقول بعينها ياكش تولع

وإياك تدور في القديم والمستخبي
محدش حس براحة في اللي أنا حبيتهم
إلا وكان في البعد عني

خير بعد العتاب بحس عايز أقطع لساني
شوفت اللي طالع واللي واقع خد مكاني
من ليلة فاتت كنت لسه برطم هانت
بس فجأة السكة ضاقت وقع حلمي ومن الساتت

وأنا عند وعدي يا اللي ناسي كل وعد
تعبت وكان ده بعد لما عرفت إنك خلعت
وأنا مقدر مجهودك انت حاولت ومتغيرتش
بس أنا مجبر عليا طول حياتي ماتخيرتش

كنا بنبعد ونرجع طب ليه المرة دي خلصت
كلامي لسه كتير بس سكت عشانها زهقت
وأنا فاكر كل حاجه كل حرف إتقال بالظبط
بقى بعد ما كنا واحد أخرتها بتابع في صمت

الشوك في رجلي مش في السكة اللي أنا مشيتها
عارفه إني هزعل وبتعملها
يمكن مكنش بيفرق ليها مين هيزعل
بيفرق لكن مبيفرقش لو كان انت

الشوك في رجلي مش في السكة اللي أنا مشيتها
كانت عايزه البعد بس ميبقاش جي منها
يمكن مكنتش فاهمة إنك أصلا هتزعل
كانت فاهمة وكانت بتقول بعينها ياكش تولع