كلمات أغنية هوى الطرعات

اهداء لـ بداح بن مطرف بن حماد الدوسري
بين طرق الهينه والمستحيله
حيز ياخذ شعوري واندهاشي

الامل بالله يعدل كل ميله
لا غدا وجه الليالي وجه واشي

يا بداح الدرب للساري دليله
سج والسجات خير من المماشي

انشدك وتقول لي مده طويله
في هوى الطرعات مبعدة المعاشي
وان لقيت الفارع السندا الطويله
تقتفيها قدم تجار المواشي

جابها رااس كفو مافيييه حيله
حاكم الندر مثل حكم النجاشي

اصوك يمناه تحذف ماتشيله
فالنبا الطيب وغيره مايبا شي

كل ماجا المال في بيته دخيله
راح في حيل سمان وظهر حاشي

ابو مطرف منبع الطيب وكيله
ارجح على الوفا والجود ناشي

جعل ما نعتاض والله في بديله
العديم اللي بـ درب العز ماشي
وجعل رعادن سرا يومه وليله
وجعل براق يرف من المناشي

لا ضرب وبله على القاع المحيله
ما يجنب درب زينات المماشي