كلمات أغنية راقت ايامي

توة نا راضي
واللي غاب انسيناه
ما هو شاغلني
الله يرحمها ايام غلاه
شلتا من بالي
متهني نا بروحي ناا
وامكمل عادي لا انريده لا انريد دواه

راقت أيامي
وضعي رد لباديه
ايام زهايا
والحلم الي احلمته فيه
وان كانوا هانوا بالهونه هان وهناه

قالولي قاسي
قلت انقاسي مظلوم
طول عمري شاقي وانتوا الا جيتوني اليوم
ما ريتوا حالي ما عشتوا في لمعاناه
ذقتا صبار افراق ودمع يسيل وراه

داويت اجروحي
نا ابروحي رديتا باب
نصيب وصار ودارت ليام وهو غاب
وايش بيدنا ليه اختار احنا ما خيرناه
هو طير وطار وصار الي صار ارضيناه

لا ماني فاضي
نشغل عقلي بحمل افكار
عازة بالعازة والفوت بفوت ويسواه
نردم بالجملة يا بال الي ودرناه

هنعيش حياتي
ما يشغل بالي موضوع
لاني اللي باع ولاني الي عايش موجوع
سبناها الغية واشوية اشوية ننساه
محلاها الدنيا في عيني بعده ولله

شاني ف العالي
واحسابي ديما محسوب
وتجي سيرتنا بالخير وهضا المطلوب
لا درنا شينة في والي مرة وعبناه
لا لنا خلطه وابعدنا شره وبلاه

شرقي يا شرقي
يا نوري وبرقي وسماي
تفرح يا قلبي وتلاقي حظك في الجاي
ما نسمر ليلي كي لول بفراق وأه
الي فارقنا واخسرنا حلوة فرقاه