كلمات أغنية حكايتي مع الزمان

كان ده كان
كان اسمه حبيبي
كان ده كان
كان يوم من نصيبي
ضحيت بعمري معاه مشوار
مشوار اسمه الحياة
وكان

أنا
أنا اللي بينكم هنا
رضيت بالعذاب لحد ما قلبي داب
ولا ذوقت يوم هناء
و أنا يا ما اتحملت أنا
قاسيت ولا اشتكيت
ولا جيت في يوم بكيت
منه لكم هنا أنا

لا عتاب حيشفي جراح
ولا حيجيب إلي راح
دي حكايتي مع الزمان
الزمان الزمان .. حكايتي مع الزمان

رسم لي علي السماء جنه فيها الهناء
و قال حنعيش هنا
قلت أحلوت سنيني
و بنالي في الخيال
قصور من الآمال
وقال ما فيش محال
نمت وغمضت عيني
ومرت الأيام
وصحيت من الأحلام
ما لقيتش غير آلام
وعذابي مستنيني

وأنا
أنا إلي بينكم هنا
مش عارفه رايحه فين
ولا فاكره جيه منين
جابني الطريق هنا أنا

وأنا
ياما تحملت أنا
دموع ما تنتهيش
وآلام ما تتنسيش
لو فات مليون سنة
أنا

لا عتاب حيشفي جراح
ولا حيعيد إلي راح
دي حكايتي مع الزمان
الزمان .. الزمان