كلمات أغنية موال موعود فيها
موعود موعود فيها صار الي مده
ولما تلاقت يدها بيدي
قلت بدي شكلك بالورد قالت انا بالعكس ما بدي
فرشتلها ريش النعام تخوت وبوردتها بهبه نسيم الليل
وجبتلها حبه من الياقوت تلمع بصدرا متل نجم سهيل
وقلتلها ياحاضري وغدي عفوك هدايا الحب لا تردي
غطت زنود العاج بالديباج وقالت اذا بتريد ما بدي
سحبت من عمر الزمن خيطان تلبق بلون شفافها الحمرا
وطرزت فيهن قبه الفستان اللي رح تحترق من تلجه الجمرا
وقلت لبسيهن والشمس حده فزعان تكوي الورد المندي
قالت ما فيها شمس تكوي شمس وعن اذنك فساتين مابدي
وليله شربت السحر وتغيرت ودخلت غرفتها ورا الاحلام
وقربت من صوب الفراش وصرت رش الغفا بعيونها تتنام
نامت وحلمت حالها حدي وصارت تطبع جمر عخدي
وشو خفت يفلت من عيونا الحلم وتوعى الصبح وتقول مابدي
ولما عرفت ما في امل يحلا عنقودها فتشت ع احلى
ولما عرفت العصفور منها طار
ومن غير وعي من عيونها الكحلا
من القهر نزلت دمعه الياريت تكوي زرار بعروه المريول
وصارت بعد ما تركتها وفليت تركض ورايي حافيه وتقول
دخلك شدني وغمرني بدي اغفى واعمل زندك مخدي
قلتلها سبحان الله كيف وقت اللي صار بدك ما بقى بدي