كلمات أغنية نام يا حمام

ننه وهو ونام يا حمام
الإسلام فرحة وسلام
ونبينا راعي الأغنام
بيشاور تقع الأصنام
صلي عليه حتنام في أمان
وتحلم بيه وتقوم فرحان
سما حواليه لولي ومرجان
وجوة عينيه جنة رضوان
ننه وهو باسم الرحمن
والفاتحة أم القرآن
وملايكة حواليك ترقيك
والحاسد يهرب يا الشيطان
ننه وهو رزاق يا كريم
ونبينا كان طفل يتيم
من صغره ربنا يهديه
وحنين ع اليتما رحيم
ننه وهو نور يا هلال
يا رسولنا الرزق حلال
و ولادنا بيصلوا عليك
وع المدنة بيوعدنا بلال