كلمات أغنية ماتغيبوش

فاكركم طول حياتي ولا يوم انتوا اتنسيتوا
ومفيش حب في حياتي من اول يوم مشيتوا
فاكر دايما حبيبي لو عاش العمر غايب
اه م الجرح اما يجي كده من اغلي الحبايب

حب ومكتوب عليا اسهر ليالي هواكوا
والبعد ان زاد شويه هاصبر وهستناكوا
لو حتي لسنين جايه عندي امل في لقاكوا

وماتغيبوش ماتغيبوش وارجعولي ماتغيبوش
صونوا العشره اللي بينا والحب ماتنسهوش
وماتغيبوش ماتغيبوش وارجعولي ماتغيبوش
مابنساش اللي بينا وعيوني مابيناموش

فيه ناس مهما يسيبوني ولا تغيب عن عينيا
لو يرجعوا بيلاقوني فاتح ليهم ايديا
دول مش ناس والسلامه ولا حد عزيز عليا
ما الناس القرب ياما لكن الغاليين شويه