كلمات أغنية مفرمة
- كلمات
- حسام سعيد
- ألحان
- محمد عبد المنعم
أنا رايح جاي معاها وشوفت انا منها الدنيا كتير
أنا كل ما بفرح ثانيه الثانيه التانيه الفرحه تطير
وإن مره شافتني شديد تنزل فيا انا ضرب وتكسير
متعود منها انا دايما ع القسوه وعلى تقل الايد
بس المرادي الجرعه زياده و جرحها ليا شديد
مابقاش انا فيا حته سليمه وفاضيه لجرح جديد
مفرمه وبتفرم فيا
ومافيش حاجه عني تحوشها
حفله ومعموله عليا
وأيام صعبه بعيشها
الدنيا دي جايه عليا
وتعبت انا من تلطيشها
آخرتها يا دنيا معاكي قوليلي هتعملي فيا أنا إيه
كل اللي أنا بيه إتعلقت وكنت بحبه انتي بتاخديه
لو وزعو وجعي على الكون كله هيكفيه
أحوالي بقت ماتسرش ولا عدو ولا حبيب
والحزن متبت فيا وأقوله يسيبني مش بيسيب
وياترى بس مخبيلي ايه تاني وناوي على ايه يا نصيب