كلمات أغنية بنتي حبيبتي
كنتي صغنونه في احضاني
مر الوقت كأنه ثواني
كبرتيني يا روحي بفرحك
وعريسك جنبك، فاكراني ؟
أنا مامتك، لأ اختك، لأ صاحبتك اللي تعبتيها
انا سرك وحبيبتك، انتي حياتي وكل ما فيها
بدموع عيني ضحكتيني
احساس اول مره يجيني
بنتي حبيبتي خلاص سايباني
وحاسه بفرحتي مش سايعاني
ربي يديم الحب ما بينكوا
وعلى حبك مش هوصيكي
زي باباكي ماكان في عنيا
خلي عريسك جوا عنيكي
خليه يعيش الجنه في قربك
وياه ع الحلوة وع المرة
لو حتى زعلتوا .. إنتي حبيبتو
إحلفوا لتكون آخر مرة