كلمات أغنية طفل صغير

ريتني أرجع طفل صغير وعيش زمان الطفولة
وكل ليلة أصحى بكير واخواتي يكونو حولي
وصير بعمرك يابنيي وتلاعبني يابيي
وعيش بدنيا الحنية محلا دنيا الطفولة

ريتني عاود ع كتابي واقرا ع طراف الغابة
ويعودو كل حبابي وعن مدرستن يحكولي
وعالورقة نرسم أحلام يفل الليل وما من نام
وما نحس بهم الأيام غنيلن ويغنولي

والعب عالمرج الأخضر واعملي فوقو جولة
واحمل هاكي الزوادة وصيح لرفاقي ونادي
حد النبعة ال بالوادي نحنا جينا يردولي

ريتني أرجع نادي جدي شوفو يحكي وقاعد حدي
يغني عتابا يرد الردة ياليالي الفرح طولي
يحكيلي عنتر والزير وبحكاياتو جن وطير
نترافق سوا ع البير وفينا الضيعة مشغولة

معلومات الاغنية
من اعمال الفنانين القديرين بسام بيطار علي دوله
كلمات والحان أحمد شحادة
توزيع وميكس وماسترينغ سليمان حسن
وتريات تمام العبدالله
عود أحمد ايوب
ناي علي راقي حبيب
Video Art YS صالح يونس المرعي