كلمات أغنية يامل قلبي

يامل قلب من هوى الزين متلول
مهجة فوادي من فوادي سلبها

تل الفراز الي يسقا بها الشول
دلابها راع القطيع وجذبها

من جادل غابت هذا داير الحول
اليوم مدري وين راحوا عربها

العين عين الي على الكف محمول
ليا طب في جول الحباري رعبها

وانسلهمت غطى المحاجر هدبها

حازت كمال الحسن بالعرض والطول
قـصـة خـيـال رابـحـن مـن كـتـبهـا

كل يقول الزين فيها وانا اقول
لو شافها خالد تنحى عن ابها

لو كان ترك الحكم ماهوب معقول
يرخص لها عند المواجه طلبها

ليا شاف قرنن فوق الأمتان مجدول
ذيل الأصيل اللي كثير طربها

وبيض بصدره مالمسها ولا زول
وذراعها اللي غاطس به ذهبها

تتبع قطيع جد ابوها كسبها

ترعابها بين الحفاير وهرمول
من خلقة الدنيا واهلها جنبها

مجردين دونها كل مسلول
ودي بها لكن ما الله كتبها