كلمات أغنية يا غاوي هروب
- كلمات
- عادل العش
- ألحان
- نسمة محجوب
يا غاوى هروب
يا غاوى هروب من الزحمه
و م الدوشه و م العايشين
و م الحسابات و من بُكره
و م التفكير و م القوانين
و م الوِحده ، طرق واحدة
ولا بتوصل ولا بتهدى
يا غاوى هروب
يجوز مش حابب القسوة
اللى فى النهايات
فتهرب وقت ما تعدّى
من البدايات
فى ناس فكّرتهم أحباب
لقيت نفسك فى أى غياب
عن الحاجة اللى فيها حنين
يا غاوى هروب
تخاف تمشى فى أى طريق
يشدك لِيه
بقيت تهرب و مش عارف
بتهرب ليه
بتهرب من حاجات جواك
و فجأة تحسّها واحشاك
طريقك لَف بيك - خلّاك
تشوف الفُرقه ع الصفّين
يا غاوى هروب
من الزحمه
و م الدوشه و م العايشين
و م الحسابات و من بُكره
و م الوِحده ، طرق واحدة
ولا بتوصل ولا بتهدى