كلمات أغنية كرامتي غالية

عزة نفسي بتمنعني
أكمل في حكاية بتأذيني
وعشان بحبك يعني
تمحي وجودي وتلغيني
ماعنديش لا إيد توجعني
ولا جرحك ليا هيرضيني
ويهون الحب عادي
ولا أشوف كرامتي مبعترة
مش عايزة أعيش حياتي
حاسة نفسي صغيرة
هخسر عادي المرة دي
وماخدش خطوة لورا
كرامتي غالية عندي
وأغلى منك بالأمانة
عادي هقبل بالوداع
بس مش هقبل إهانة
وروح الله يجازيك
ماعدش ليك أي مكانة

أنا راحتي أهم عندي
وقلبي راح وماعدش باقي
أنا زيي مش كتير
وكتير زيك نلاقي
مافيش بنا نصيب
ناويت أسيب ده قرار نهائي

سهلة أعوض حبيب
صعب تاني أصنع كرامة
مش فارقة مين يسيب
الحب ده نصيب
وحبايب فرقوا ياما

الحب ده اهتمام
مش خناق طيب وحاضر
سهل أجرح في الكلام
وأكسرلك ألف خاطر
أنا نفسي أعيش في سلام
مش كل يوم هخاطر

كرامتي غالية عندي
وأغلى منك بالأمانة
عادي هقبل بالوداع
بس مش هقبل إهانة
وروح الله يجازيك
ماعدش ليك أي مكانة